නව පත්වීම්

 

තනතුරකට පත්කරනු  ලබන සෑම පුද්ගලයෙකුටම විධිමත් පත්විම් ලිපියක් පත්විම් බලධරයා විසින්  නිකුත් කෙරේ. ගුරුවරයෙකුගේ පත්විම් බලධරයා වන්නේ,

·         පළාත් අධ්‍යාපන ලේකම් - පළාත් සභා පාසල්

·         අධ්‍යාපන ලේකම්           - ජාතික පාසල්

 ස්ථිර තනතුරකට කරනු ලබන සෑම පත්වීමක්ම වසර 03 ක පරිවාස කාලයකට යටත්වේ.

ස්ථීර පත්වීමකට තෝරාගෙන ඇති අපේක්ෂකයාට පොදු 169 ආකෘතිය අනුව වෛද්‍ය පරීක්ෂණයට ඉදිරිපත්වීමට දෙපාර්තමේන්තු ප්‍රධානියා විසින් නියම කෙරේ.

පළමු පත්වීමක් ලද්දෙකුට ලිපි ගොනුවක් විවෘත කළ යුතු අතර එහි පහත ලිපි ලේඛන අන්තර්ගත විය යුතුය.

 නව පත්වීම් ලද නිලධාරීන් පෞද්ගලික ලිපිගොනුවට භාරදිය යුතු ලිපි ලේඛන

1.       පත්වීම් ලිපිය. (සහතික කළ පිටපත)

2.       අංක 5 වන පරිශිෂ්ටය

3.       අංක 6 වන පරිශිෂ්ටය

4.       වැඩ භාර ගැනීමේ ලිපිය හා පාසලක නම් ලොග් සටහන් පිටපත.

5.       උප්පැන්න සහතිකයේ මුල් පිටපතක් හා ඡායා පිටපතක්.

6.       ජාතික හැදුනුම්පතේ සහතික කළ පිටපතක්.

7.       තනතුරට අදාළ සියළුම අධ්‍යාපනික සහතික පිටපත් 2 බැගින්(සා/පෙළ/උසස් පෙළ/වෙනත්)

8.       ග්‍රාම සේවා සහතිකය (මුල්පිටපත)

9.       චරිත සහතිකය

10.   ගිවිසුම (පොදු 160)

11.   දිව්රුම් හා ප්‍රතිඥාව (පොදු 278)

12.   ආණ්ඩුක්‍රම ව්‍යවස්ථාවේ 6 වන සංශෝධනය

13.   වත්කම් බැරකම් ප්‍රකාශය (පොදු 261) (මෙතනින් බාගතකරන්න)

14.   විවාහ සහතිකයේ මුල්පිටපතක් (මාස  03 ක් ඇතුලත ඉදිරිපත් කළ යුතුය)

15.   කලත්‍රයාගේ උප්පැන්න සහතිකයේ මුල්පිටපත සහ ජාතික හැදුනුම්පතේ සහතික කළ පිටපතක්

16.   දරුවන්ගේ උප්පැන්න සහතික වල මුල්පිටපත්

17.   ස්ථිර , තාවකාලික ලිපින හා දුරකතන අංකය

18.   වෛද්‍ය පරීක්ෂකගේ වාර්ථාව (වෛද්‍ය 169) සහ පොදු 169 ආකෘතිය (වෛද්‍ය පරීක්ෂණ වාර්ථාවේ දකුණු පස ඉහල කෙලවරේ සේවය කරන පාසල සටහන් කරන්න)

19.   විද්‍යාපීඨ පත්වීමක් නම් හෝ වෙනත් සේවයක සේවය කළ අයෙක් නම් අදාළ පෞද්ගලික ලිපිගොනුව පවතින ආයතනයෙන් හෝ විද්‍යාපීඨයෙන් ලිපිගොනුව ගෙන්වා ගැනීම සඳහා විදුහල්පතිගේ නිර් දේශය සහිතව ඉල්ලීම් ලිපිය.

20. NEMIS තොරතුරු පත්‍රිකාව.

 

v  සැ.යු.ඔබ විසින් ලබා දෙන අධ්‍යාපනික සහතික පත්‍ර පෞද්ගලික ලිපිගොනුවට භාර දුන්බව එම ඡායාපිටපතේ සටහන් තබා, දිනය යොදා අත්සන යෙදිය යුතුය.

 උදා - මෙම සහතික මා විසින් පෞද්ගලික ලිපිගොනුවට ලබාදුන්,මාගේ අ.පො.ස.(සා.පෙළ) ප්‍රතිඵල ලේඛනයෙන් උපුටාගත් සත්‍ය ඡායාස්ථ පිටපතක් බවට සහතික කරමි.

             නම -

             අත්සන -

             දිනය -

මෙම ලිපිය සම්බන්ධව ඔබගේ අදහස්/යෝජනා/චෝදනා සහ ගැටළු Comment ලෙස දක්වන්න. ගැටළු වලට පිළිතුරු හැකි විගස යොමු කිරීමට කටයුතු කරමි.